Dag 1

E-helse Vestland har regelmessige møte med forankringsgruppa for å informere om fremgang og status i prosjektet, til alle dei ulike samarbeidspartane. Denne gongen vart vi samla fysisk i Bergen. Prosjektleiar Kari Eidnes Bjørkheim informerte og om kva vi gjer for å sikre gode samarbeid med KS-ekomp og digi nettverka. 

Vidare var det ei grundig gjennomgang av alle dei 6 arbeidspakkane frå prosjektkoordinatorane. Prosjektet er stort og det krevjer litt å halde oversikt, derfor er det i møta svært lav terskel for å kome med innspel og spørsmål. Det startar ofte gode diskusjonar for vidare arbeid.

E-helse Vestland fekk moglegheit til å besøke Eitri medisinske inkubator, som ligg oppe ved Haukeland. Der møtte vi helse og omsorgskomiteen frå stortinget og Kari presenterte kort kva vi jobbar med og korleis vi tenkjer ein må gjer for å nyttiggjere løysningar og teknologi, både idag og i framtida.

Dag to

Heile forankringsgruppa drog på besøk hos Alrek helseklynge. Der fekk vi sjå og høyre frå Grete Oline Hole om korleis dei jobbar for å teste teknologiske løysingar, blant anna ved å sette opp eigne tilpassa rom for ulike type pasientar og brukarar. Utruleg spennande å høyre korleis dei nyttar kunnskap både til utdanningane men og for å lage treningsscenario for dei som allereie jobbar i tenestane.

Sjå fleire bilde her: